E fejuara e gazetarit të vrarë Jamal Khashoggi, Hatice Cengiz , tha se nuk mund të besojë që askush nuk po përballet me pasojat për krimin që u krye ndaj të fejuarit të saj.
“Nuk mund ta kuptoj pse bota ende nuk ka bërë asgjë”, tha Cengiz në një tubim për Çështjet e Jashtme të Dhomës së Përfaqësuesve në SHBA.
“Ende nuk mund ta kuptoj se a kemi të bëjmë me trajtim njerëzor, dhe po shpresoj se dikur do të merren veprimet”
Cengiz ishte personi i fundit që ka parë Khashoggin, një banor i SHBA-ve dhe kolumnist i Washington Post.
Së fundmi ai hyri në konsullatën saudite në Stamboll më 2 tetor për të marrë dokumentet për martesën e tyre. Ai kurrë nuk arriti të dalë i gjallë nga ndërtesa.
Gazetari saudit, i cili ishte kritik i zëshëm i princit të kurorës Muhamed bin Salman, u vra dhe trupi i tij u shpërbë në konsullatë nga një ekip saudit, duke provokuar revoltë ndërkombëtare.
Trump nuk ka pranuar të vë sanksione ndaj Arabisë Saudite, pasi ajo konsiderohet partner i rëndësishëm në Lindjen e Mesme dhe një aleatkundër Iranit.
Duke i quajtur Shtetet e Bashkuara “një fortesë” që mbron lirinë e mendimit dhe të drejtat e njeriut, Cengiz bëri thirrje për drejtësi. /tesheshi.com/
