Arabia Saudite ka hedhur poshtë akuzat për vrasjen e gazetarit të zhdukur saudit Jamal Khashoggi, ndërkohë që presidenti Trump ka njoftuar një bisedë me Mbretit Salman mbi këtë temë.
Khashoggi, i cili njihej si kritik i qeverisë saudite, është zhdukur prej më shumë se dhjetë ditësh pasi hyri në ndërtesën e konsullatës arabe në Stamboll.
Zyrtarët turq druajnë se korrespondenti i Washington Post-it është vrarë në një konsullatë.
Nga ana tjetër, Arabia Saudite i mohon këto pretendime si të pabazuara.
Ministri i brendshëm saudit tha se akuzat me urdhra për vrasjen Khashoggi-së janë gënjeshtra që kanë për qëllim cenimin e imazhit të Mbretërisë.
Nga ana tjetër, është presidenti Trump që e ka përshkruar këtë situatë si “serioze” dhe premtoi se administrata e tij do të zbulojë se çfarë ndodhi me Khashoggi-në.
Zyrtarët amerikanë thonë se ata kërkojnë një përgjigje nga qeveria saudite, si dhe nuk pranojnë ende përfundimet e qeverisë turke.
Khashoggi hyri në Konsullatën Saudite më 2 tetor për të marrë dokumente për martesën.
Zyrtarët sauditë thanë se ai u largua shpejt nga konsullatë, por zyrtarët turq dhe e fejuara e tij që e priste jashtë pohuan se ai kurrë nuk doli prej aty.
Hatica Cengiz tha të shtunën se Khashoggi nuk ishte nervoz kur hyri në konsullatë dhe as që dyshonte se mund t’i ndodhte ndonjë gjë e keqe.
Sipas saj, fjalët e fundit që Khashoggi i tha asaj para se të hynte në konsullatë ishte: “shihemi më vonë, e dashur.”
Ajo tha se me Khashoggi-në kishin plane për të jetuar mes Turqisë dhe SHBA, ku Khashoggi jetoi në mërgim vullnetar nga viti i kaluar.
Khashoggi u largua nga Arabia Saudite vitin e kaluar pasi kritikoi politikat saudite në Jemen. /tesheshi.com/
