Ithtarë të godinës së vjetër të TK, tashmë inekzistente, organizuan të dytën protesta anti-prishje, duke shpalur tashmë një kauzë të re, atë për rindërtimin ashtu siç ishte. Për këtë, kanë nisur dhe mbledhjen e firmave për një peticion. Kjo u lajmërua nga një prej drejtuesve të protestës, Robert Budina.
“Sot e kryem funksionin tonë dhe kur hapëm protestën kemi një peticion që duhet ta firmosni të gjithë. Nga pasnesër do të dalim qytet më qytet të mbledhim firmat e peticionit që teatri duhet të jetë aty ku duhet. Jemi njerëz që kemi vepruar institucionalisht dhe lufta për demokracinë është e gjatë dhe ka nevojë për ju. Ne do te fitojmë me paqe dhe qytetari”, tha Budina.
Protesta u ndoq, në emër të mbështetjes, nga krerët e opozitës, ku kreu demokrat Basha e kushtëzoi pjesëmarrjen në tryezën e reformës zgjedhore pikërisht me zhvillimin teatror.
“PD dhe opozita kanë pasur dhe kanë treguar vullnet për Reformën Zgjedhore. Ajo që ndodhi në 17 maj ishte se PS ka hedhur në erë besimin”, tha Basha. /tesheshi.com/
