Në bombardimet izraelite në Rripin e Gazës, mbetën të vrarë gruaja dhe katër fëmijët e një mjeku palestinez, raporton Anadolu.
Që nga fillimi i sulmit izraelit, ky mjek palestinez punon pa pushim në një spital. Ditë e natë ndihmon të plagosurit që mbërrijnë në spital orë pas ore.
Megjithatë, ai nuk arriti të shpëtojë familjen e tij. Gruaja dhe fëmijët e tij mbetën të bllokuar nën rrënoja për ditë të tëra. Ekuipazhet në terren ishin në gjendje të merrnin trupat e tyre.
Sipas informacioneve të fundit, të paktën 2,848 palestinezë, duke përfshirë 750 fëmijë, janë vrarë në sulmet ajrore izraelite në Gaza, sipas Ministrisë së Shëndetësisë së Gazës.
Gaza po përjeton një krizë humanitare pa energji elektrike, ndërsa uji, ushqimi, karburantet dhe furnizimet mjekësore po mbarojnë. Civilët ikin në jug pas paralajmërimit të Izraelit për të evakuuar zonat veriore.
Ndryshe, në versionin më çnjerëzor, kjo quhet e “drejta e vetëmbrojtjes” së Izraelit. /tesheshi.com/
