Dhjetra polakë, përkrahës të së djathtës ekstreme, u mblodhën të dielën në ish-kampin e përqëndrimit Aushvic në Poloni, ku përballë tyre, zyrtarë të lartë dhe ish-të burgosur të mbijetuar, shënonin 74-vjetorin e çlirimit nga kampet naziste, në atë që duhet Dita e Përkujtimit – Holokausit.
Të dy grupet u gjendën në anët e ndryshme të kampit, i cili tani është një muze i hapur.
Kjo është hera e parë që e djathta ekstreme po organizon një protestë në Aushvic. Sipas saj, Izraeli po përpiqet që të manipulojë historinë.
“Populli hebre dhe Izraeli po bëjnë gjithçka për të ndryshuar historinë e popullit polak”, tha Piotr Rybak i Lëvizjes së Pavarësisë polake, i cili udhëhoqi protestën e së dielës.
“Patriotët polakë nuk mund ta lejojnë këtë”, shtoi ai.
Nga ana tjeyër, kryeministri Mateusz Morawiecki dhe anëtarët e qeverisë ishin në krahun e të mbijetuarve në ceremoninë zyrtare.
“Shteti polak është mbrojtës i së vërtetës, e cila nuk mund të relativizohet në asnjë mënyrë”, tha ai.
Çështja e të vërtetës mbi Holokaustin kanë shkaktuar tensione mes të djathtës polake nga njëra anë, dhe Izraelit e Shteteve të Bashkuara nga ana tjetër, e kjo pas një ligji që dënon me burg çdo polak që rezulton përgjegjës për krimet e luftës të nazistëve gjermanë. /tesheshi.com/
