Kulla Trump në Nju Jork, ku presidenti i zgjedhur amerikan, mban takimet e tij përpara se të hyjë në Shtëpinë e Bardhë, tashmë është e monitoruar ngushtë nga media e nuk kishte si të shpëtonte një vizitë nga shefja e së djathtës ekstreme të Francës, Marine Le Pen. Politikania nacionaliste dhe me qëndrime të forta kundër emigrantëve, vendosi të pijë një kafe me disa miq të saj ndërkohë që ishte në Nju Jork. Ajo vendosi ta pijë atë kafe në kullën Trump, një vend që është bërë shumë i dëgjuar, ndoshta edhe për faktin se është pronë e ish-yllit të shfaqjeve televizive dhe organizator i konkurseve të bukurisë, Donald Trump. (Gjithashtu, ai është edhe presidenti i ardhshëm i Shteteve të Bashkuara të Amerikës).
Por kë takoi, Le Pen në kullën Trump? Sipas fotografive të dala në media, ajo ka takuar Guido Lombardin.
Për të gjithë ata që nuk e njohin Lombardin, shkruan prestigjiozja “Foreign Policy”, duhet t’i hedhin një sy profilit të tij të publikuar në “Politico” ku ai përshkruhet si “ndërmjetësi europian” i Donald Trump, por gjithashtu edhe një fqinj i tij. Ai është gjithashtu anëtar i partisë kundër-emigracionit në Itali, Liga e Veriut, që drejtohet nga Matteo Salvini, me të cilin Trump është takuar personalisht. Salvini, sikundër Trump dhe Le Pen, admiron hapur presidentin rus, Vladimir Putin.
Le Pen, pjesë e një ekipi lara-lara politikanësh të ekstremit të djathtë në Europë që po njohin rritje të mbështetjes popullore, është kandidatja kryesuese në garën presidenciale franceze, sipas sondazheve të publikuara gjatë javës. Fronti i saj Nacionale ka pasur vështirësi për të mbledhur së bashku 20 milionë eurot e nevojshme për zgjedhjet presidenciale dhe ato legjislative. Bankat franceze thuhet se nuk pranojnë të japin hua për partinë për shkak të platformës së saj anti-semite. Një hua e marrë nga banka e parë e investimeve Çeko-Ruse, me seli në Moskë, prej 9 milionë eurosh u zhduk si një verë e mirë në një festë pasi banka humbi licencën e saj. Le Pen thuhet se po merr në konsideratë t’i rikthehet Rusisë për të kërkuar edhe më shumë para kesh.
Nuk është e qartë nëse Le Pen dhe miku i saj takuan ndonjë nga ekipi tranzicional i presidentit të zgjedhur, Donald Trump, apo vizita në kullën Trump ka qenë e dizenjuar për ndonjë gjetje e marrëdhënieve publikun, për të ngatërruar shtypin. Ekipi Trump nuk bëri asnjë koment të menjëhershëm në lidhje me vizitën e Trump në kullë. Nëse është vërtet një lëvizje për publicitet, ajo nuk do të ishte e para politikane e së djathtës ekstreme që e përdor një vizitë në kullën Trump për të rritur ndikimin. Në dhjetor, lideri i së djathtës ekstreme austriake, nga partia e Lirisë, dha një deklaratë, ndërkohë që ishte në Moskë për ta takuar miqtë politikë të Trump. Sipas tij, liderët e kësaj partie ishin takuar me këshilltarin e sigurisë Kombëtare të Trump, Michael Flynn, muaj përpara. Gjithsesi, zëdhënësi i Trump e mohoi me vendosmëri se ky takim kishte ndodhur.
Shoku më i mirë britanik i Trump, dhe që herë pas here është vizitor në kullën Trump, Brexit-si zhurmëmadh, Nigel Farage, doli në mbështetje të kandidaturës së Le Pen në nëntor. Ai do të marrë pjesë edhe në ballon mundane të inagurimit të Trump. Asnjë fjalë nuk ka dalë nëse edhe Le Pen e ka një ftesë. Por ajo mund të ketë shkuar në kullën Trump pikërisht për ta marrë një ftesë të tillë.
Edhe nëse nuk është kështu, nuk ka sigurisht materiale të pakta se për çfarë mund të diskutojë Le Pen me Trump. Në muajt e fundit, ajo ka deklaruar se Krimeja i takon Russië (një pozicion që Trump e ka marrë si këshillë nga Henry Kissinger) dhe se fëmijët e emigrantëve të paligjshëm nuk duhet të kenë më të drejtën e arsimimit falas, pavarësisht se çfarë thotë Kushtetuta franceze, pasi sipas saj, “loja ka marrë fund”.
Dhe po, përfundon “Foreign Policy”, shumë në Francë dhe në Shtetet e Bashkuara mendojnë njëlloj.
Përgatiti: Juli Prifti – /tesheshi.com/
