Në përditshmërinë tonë jemi mësuar t’u shmangemi ushqimeve që përmbajnë shumë sheqer.
Kjo pasi dietologët rekomandojnë zvogëlim të sasisë së sheqerit në menunë ditore, për shkak se dëmton shëndetin.
Sheqeri gjithashtu është shkaktar i prishjes së dhëmbëve.
Megjithatë, sipas një dentisti, del se kjo nuk është aspak e vërtetë.
Në të vërtetë është acidi, dhe jo shjeqeri, shkaku kryesor i prishjes së dhëmbëve, çka do të thotë se më e dëmshme se sa çokollatat, ëmbëlsirat, janë pijet me sheqer.
Dr. Mark Burhenne nga AsktheDentist foli për INSIDER rreth ushqimeve dhe pijeve që duhen shmangur për të patur dhëmbë të shëndetshëm.
“Sheqeri nuk është shkaku i prishjes së dhëmbëve, acidi është. Produkti i mbetjeve të baktereve është acid, kështu që pasi jeni ushqyer, bakteret nxjerrin acid. Acidi është ai që shkakton probleme tek dhëmbët”, u shpreh doktori.
Acidi decalcifikon ose demineralizon smaltin e dhëmbëve duke hequr strukturën e tij, e për rrjedhojë duke shkatërruar dhëmbët./tesheshi.com/
