Elon Musk ka ngritur alarmin për borxhin masiv kombëtar të Shteteve të Bashkuara të Amerikës, duke paralajmëruar se dollari amerikan do të bëhet i pavlefshëm nëse nuk bëhet asgjë.
Borxhi kombëtar i vendit është më shumë se 34 mijë miliardë dollarë.
“Ne duhet të bëjmë diçka për borxhin kombëtar ose dollari nuk do të vlejë asgjë”, shkroi Musk në X.
Gazetari politik Ed Krassenstein i shkroi atij se problemi është se asnjë administratë nuk dëshiron të merret me çështjen e borxhit kombëtar, sepse zgjidhja afatgjatë ka të ngjarë të dëmtojë ekonominë në afat të shkurtër.
Epo, diçka duhet bërë. Duhet të paktën të ngadalësojmë rritjen e borxhit, u përgjigj Musk.
Senatori Rand Paul tha se borxhi kombëtar është në fakt kërcënimi më i madh për sigurinë kombëtare amerikane dhe paralajmëroi se me shpenzime të çmendura amerikanët po kërcënojnë ekzistencën e monedhës së tyre, dhe ndoshta edhe vendin.
Borxhi kombëtar është kërcënimi më i madh me të cilin përballet vendi ynë dhe po i afrohemi me shpejtësi pikës së krizës. Është koha që Kongresi të vendosë interesat e vendit përpara përshtatshmërisë politike dhe të vendosë një themel të shëndoshë fiskal para se të jetë tepër vonë, thotë Scott Peters në një artikull të botuar në The Hill. /tesheshi.com/
