Një sulm kamikaz u ka marrë jetën më së paku 31 personave paraditen e së dielës në kryeqytetin e Afganistanit.
Sulmi ndodhi në një qendër regjistrimi të votuesve, në Desht-i-Barçi, një zonë e Kabulit.
Shpërthimi vetëvrasës la po ashtu të plagosur dhjetëra të tjerë, ndërkohë që numri i të vdekurve mund të rritet me kalimin e orëve.
Dëshmitarët thonë se midis viktimave ka shumë gra dhe fëmijë.
Zyrat e regjistrimit të votuesve janë hapur javën e shkuar, në përgatitje për zgjedhjet parlamentare të tetorit, të shtyra prej kohësh.
Qendra regjistrimi të votuesve janë vënë në shenjë dhe javën e shkuar, por jo në këto përmasa.
Sipas Al Jazeera-s, përgjegjësinë për sulmin e sotëm e ka marrë ISIS-i. /tesheshi.com/
