E diela është shpallur ditë jopune me ligj në Maqedoni.
Sipas autoriteteve të Shkupit, e diela tash e tutje do të jetë ditë pushimi për 92 për qind të punëtorëve, raportojnë mediat e Shkupit.
Synimi i ndryshimeve ligjore, të cilat e shpallën të dielën ditë jopune, është, siç shpjegohet, vendosja e ekuilibrit mes jetës profesionale dhe asaj private të punëtorëve, si parakusht për motivim dhe efikasitet më të madh në vendin e punës.
Punëtorët në aktivitetet që nuk guxojnë të ndërpriten për shkak të procesit tekniko-teknologjik do të marrin të paktën 50 për qind më shumë mëditje për punë të dielave dhe ditëve të pushimit.
Ndërsa të gjithë punonjësit në qendrat tregtare, pikat e karburantit, dyqanet me pakicë me një punonjës, që do të punojnë të dielave, do të përfitojnë mëditje të rritur me 100 për qind. /tesheshi.com/
