Një sulm vdekjeprurës në një maternitet ka tronditur Afganistanin.
Asnjë grup nuk ka marrë ende përgjegjësi për masakrën mëtë fundit me 24 të vrarë në Kabul, duke përfshirë 16 gra dhe dy të sapolindur.
Gjithçka filloi në mëngjes nën këtë atmosferë:
Pasi u përpoq me vite të ngelej shtatënë, Zainab, 27 vjeç, lindi një djalë të martën në mëngjes në një spital të vogël në jug-perëndim të Kabulit.
Ajo u gëzua shumë dhe i dha djalit emrin Omid, që do të thotë “shpresë”.
Sidoqoftë, një orë para se ajo dhe familja e saj duhej të ktheheshin në shtëpi, në provincën fqinje të Bamiyan, tre sulmues të maskuar ndërsa u përplasën me oficerët e policisë, goditën dhe repartin e maternitetit.
Zainab u shtri në dysheme kur pa se çfarë po ndodhte.
Ajo u përpoq të mbetej shtatzënë për shtatë vjet, priti nëntë muaj për të takuar djalin e saj dhe kaloi vetëm katër orë me të para se të vritej.
Nga ana tjetër, të paktën gjashtë foshnje humbën nënat e tyre në një sulm që tronditi edhe këtë vend të shkatërruar nga lufta, i cili ka vite që vuan dhunën.
“Në karrierën time 20-vjeçare, kurrë nuk kam parë ndonjë gjë kaq të tmerrshme dhe brutale,” tha Dr. Hassan Kamel, drejtor i Spitalit të Fëmijëve Ataturk në Kabul.
Sulmet janë një kërcënim për përparimin drejt një paqeje të dakorduar midis Talibanëve dhe qeverisë afgane të ndërmjetësuar nga SHBA.
Talibanët kanë mohuar përfshirjen në sulm. /tesheshi.com/
