Policia në Sllovaki ka ngelur e habitur pasi ka ndaluar një furgon, në të cilin ka gjetur një numër të madh qengjash të vegjël në një gjendje të dhimbshme. Automjeti i kuq tip Seat Inca është gjetur ndërsa shoferi kishte tentuar të largohet rreth 150 milje nga një fermë në jug të Sllovakisë,
Furgoni ishte përshtatur në mënyrë që të tillë që të futeshin sa më shumë qengja. Policët nuk po u besonin syve pasi arritën të zbuloni plotë 72 kafshë të vogla që ndodheshin brenda hapësirës së ngushtë.
Disa prej tyre rrinin mbi njëri-tjetrin, të ngjeshur në dritare dhe fatmirësisht ishin ende gjallë, edhe pse nuk kishte shumë oksigjen në brendësi të furgonit.
Makina ishte në gjysmë të rrugës dhe nëse shoferi nuk do të ksihte ndaluar, një pjesë e mirë e qengjave do të kishin ngordhur përpara se të shkonin në destinacionin final që është kufiri hungarez.
Terezia Palerova, shefja e Administrimit Veterinar dhe Ushqimor në qytetin Ziar nad Hronom tha për mediat se ky veprim është kundër ligjit dhe kundër rregullave sanitare. Ajo shtoi se ky lloj transporti duhet të konsiderohet si një torturë për kafshët./tesheshi.com/
