Siç raporton Sunday Telegraph, zyrtarët e OKB-së në Siri kanë informuar trupat ruse në terren se ku ndodhen spitalet në zonat nën kontrollin e opozitës siriane, dhe më vonë ka ndodhur që këto spitale janë shkatërruar nga sulmet ruse.
Kjo ka bërë që OKB të kritikohet për dhënie koordinatash për ushtrinë ruse, pasi është bërë në kuadër të të ashtuquajturit “sistem informimi institucional”.
OKB ka informuar si SHBA e si Moskën në lidhje me vendndodhjen e spitaleve në Gutën Lindore dhe Idlib, të cilat janë nën kontrollin e forcave të opozitës, në mënyrë që të shmangë objektivin e saj nga sulmet.
Një nga shembujt më të fundit është spitali i shkatërruar në Arbin. Forcat ruse më 20 mars e goditën këtë spital tetë ditë pasi OKB i kishte informuar në lidhje me koordinatat ku ishin vendosur.
Rusët dhe forcat pro-regjimit kryen sulme sistematike mbi spitalet dhe objektet mjekësore në zonën që kontrollohet nga opozita siriane.
Si pasojë e saj, opozita i zhvendosi spitalet në vende të fshehta.
“Gjatë vitit të kaluar në Siri janë regjistruar 120 sulme mbi spitale dhe objektet mjekësore”, tha Jan Egeland, këshilltari i OKB-së për çështjet humanire në Siri.
Ai shtoi se “lufta siriane është një nga luftërat më të këqija që ka penalizuar punonjësit e shëndetësisë, dhe një pjesë e problemit është se nuk ekziston një sistem funksional informacioni që ata të jenë në mbrojtje nga sulmet”.
Bretton-Gordon, drejtor i “Mjekëve të Luftës” dhe këshilltar UOSSM-së, i cili në Siri punon në bashkëpunim me MSF, tha për Sunday Telegraph se ata kishin parë me sytë e tyre si u sulmuan nga rusët spitalet në Halepin lindor që në atë kohë kontrollohej nga forcat opozitare.
“Sa herë që do të njoftojmë vendndodhjen e spitalit tonë kur flasim me ambulancat, spitali së shpejti është bombarduar”, tha ai për Telegrafin. /tesheshi.com/
