Emisarja gjermane e Bashkimit Europian që ka mbërritur në Tiranë për negociatat për reformën në drejtësi deklaroi se Shqipëria ndodhet përpara një udhëkryqi me historinë.
Pas disa takimeve që ka zhvilluar ditën e sotme, Helga Schmid, numri dy i diplomacisë europiane, shtoi në faqen e saj në rrjetet sociale se, “Pas progresit marramendës, Shqipëria ndodhet në një moment të rëndësishëm, në një udhëkryq, me mundësinë historike për të miratuar reformën në drejtësi, e cila është në duart e deputetëve.”
Pas deklaratës paraprake të paradites në konferencën e ambasadorëve, zonja Schmid ka bërë thirrje sërish për një përgjegjësi individuale të të gjithë anëtarëve të parlamentit. /tesheshi.com/
