Një gjykatë japoneze liroi të enjten tre ish-drejtues të TEPCO-s, centralit bërthamor të Fukushimas, për të cilët zhvillohej një proces nën akuzën e paaftësisë për t’ju përgjigjur në kohë asaj që ndodhi pak vite më parë, një tsunami që çoi në shkatërrimin e tre reaktorëve.
Ish-drejtori i Përgjithshëm Tsunehisa Katsumata, si dhe ish-zëvëndësat e tij Ichiro Takekuro dhe Sakae Muto, u liruan pas një procesi të gjatë.
Ekipi i mbrojtjes argumentoi se ishte e pamundur të parashikohej përmbytja masive që shkatërroi objektet, ndërsa prokurorët kërkuan pesë vjet burg për tre administratorët, duke argumentuar se ata mund të kishin parandaluar katastrofën kundër tsunamit.
Tre nga gjashtë reaktorët u shkatërruan dhe grimcat radioaktive u shpërndanë nëpër ajër.
Në tragjedinë e 11 marsit 2011, 18.400 njerëz humbën jetën në Japoninë verilindore.
Qindra mijëra banorë u është dashur të braktisin shtëpitë e tyre për shkak të rrezatimit.
“Ne nuk mund ta kuptojmë këtë. Ne jemi të privuar nga shtëpitë tona dhe vendi ynë i lindjes”, i tha një qytetari i Fukushimas para gjykatës, pasi u shpall aktgjykimi, e të akuzuarit u liruan. /tesheshi.com/
