Elsa Lila, ardhur me një libër të saj në Panairin e Librit në Tiranë, braktisi një intervistë televizive në Euroneës Albania, përballë gazetarit Flori Gjini, duke shfaqur revoltë ndaj këtij të fundit për publikimin e një fotoje të arrestimit të saj kohë më parë në Itali. Pyetjes së saj ciklike se ç’kuptim kishte nxjerrja e asaj fotoje – ku ajo shfaqej nga pas e shoqëruar nga dy karabinierë italianë – gazetari Gjini nuk iu përgjigj me ndonjë arsyetim professional. Pra thjesht heshti. Por më pas, kur u detyruar të fliste pas këngëtarja kishte marrë revan ndaj tij në revoltë, tha se Elsa erdhi me vonesë në emision(!). Ky është fakt, por assesi argument.
Pra, edhe kjo “hakmarrje” e gazetarit Gjini nuk qe me vend. Elsa Lila nuk është e punësuar aty, në median ku po intervistohej, kështu që nuk detyrime kontraktuale të cilën një prej tyre e ka shkelur. Vajta me vonëse e një të ftuari apo të fuareje në një emision, siç në rastin konkret, është diçka krejt e zakonshme, pasi ndodh për dhjetra arsye.
Gazetari Gjini, o thjesht duhej të kërkonte ndjesë për një nxitim profesional, ose ose të gjente arsyetimin e tij profesional mbi publikimin e fotos.
Duhet patur parasysh se është fjala për një femër, krejt larg botës së krimit, e cila u gjend aksidentalisht dhe paimagjinueshmërisht aty, gjë që duhet mirëkuptuar si një dramë e madhe në jetën e saj. Një personazh skenik, edhe i Sanremos, që e sheh veten një ditë në qeli, duke qenë krejtësisht larg një bote ku njeriu koston të përfundojë aty. Dhe ky sentiment i saj duhet respektuar. Gazetaria, hem duhet të jetë profesionale e hem njerëzore. Dhe njerëzorja duhet të jetë një ndër majat e profesionalizmit në gazetari. /tesheshi.com/
