Santa Claus është 100 përqind i vërtetë, të paktën për një djalë të vogël i cili e pa atë duke ecur para derës së shtëpisë, në jug të Londrës katër vjet më parë.
“Santa”, emri i vërtetë i të cilit është Hussain, po ecte rrugës në Tooting në dhjetor të vitit 2013, kur ai i ra në sy vogëlushit Alfie, i cili tani është gjashtë vjeç. Ai e dëgjoi djalin e vogël teksa po e quante Santa, u kthye dhe i dha disa të holla, duke e bërë Alfien që të besonte se ai ishte vërtet Babagjyshi.
Hussain, një musliman i cili punon kontablist në një firmë në atë rrugë dhe mban një mjekër të madhe të bardhë, që nga ajo ditë troket në derë për çdo vit me një dhuratë për Alfie-n dhe motrën e tij 13-vjeçare, Hayley.
Dhe pasi u njoh me familjen e tyre, ai madje tani i viziton ata edhe në ditëlindjet e tyre.
E ëma e vogëlushit kujton kohërat kur “Alfie im i vogël thërriste ‘ai duket si Babagjyshi!’”
“Hussain jeton vetëm tre shtëpi larg dhe u kthye menjëherë për të trokitur në derën tonë, dhe tha se nuk mund të kalonte pa dhënë një dhuratë, pasi djali im i vogël mendonte se ai ishte Babagjyshi,” vazhdoi Ashford-Rose.
“Kjo ishte katër vjet më parë, dhe ne ende shkëmbejmë dhurata me njëri-tjetrin. Ai vjen për të parë Alfie-n dhe vajzën time Hayley në ditëlindjet e tyre dhe jep dhurata, dhe ai kurrë nuk harron datat.
Amanda Taylor-Blerja, një fotograf profesionist dhe ish-fqinj i familjes, ishte në shtëpi kur Hussain thirri të dielën e kaluar dhe ajo ndau tregimin e ngrohtë në Facebook. /tesheshi.com/
