Qeveria maqedonase shkarkoi drejtorin e Byrosë së Sigurisë Publike, ndryshe kryepolicin Lazo Velkovski, i akuzuar për keqpërdorimin e automjetit zyrtar.
Ministri i Brendshëm Oliver Spasovski kërkoi largimin e vartësit të tij duke qenë i bindur se ai ka shkelur procedurat lidhur me udhëtimet zyrtare.
Në fillim të muajit, në rrjete sociale u publikuan foto të makinës zyrtare të Velkovskit, ku vajza e tij udhëtonte drejt Greqisë.
Lazo Velkovski deklaroi në dëshminë e tij se ai veproi në këtë mënyrë për shkak të kërcënimeve që iu paraqitën atij dhe familjes së tij.
Por Zaev nuk ka toleruar, edhe pse e ka patur një nga bashkëpunëtorët e ngushtë.
Kryeministri Zaev tha se Velkovski “bëri një gabim dhe se duhet të mbajë përgjegjësi”, por gjithashtu tha se do të mbetet në Ministrinë e Brendshme “për hir të eksperiencës”.
Qeveria e Maqedonisë ka vendosur që Besim Dehari ta zëvëndësojë përkohësisht Velkovskin, deri në emërimin e një drejtori të ri të policisë. /tesheshi.com/
