Të hënën, Lionel Messi mori Topit të Artë për të shtatën herë, një rekord ky, i cili i jepet futbollistit më të mirë të sezonit lënë pas.
Futbollisti argjentinas la pas vetes Robert Leëandoëskin e Bayern-it dhe shumë ishin të mendimit, madje dhe vetë Messi, se polaku e meritonte më së shumti këtë çmim.
Renditja përfundimtare e dhjetëshes më të mirë: Lionel Messi, Robert Lewandowski, Jorginho, Karim Benzema, Kante, Cristiano Ronaldo, Mohamed Salah, Kevin De Bruyne, Kylian Mbappe dhe Gianluigi Donnarumma.
Çuditërisht apo jo, portugezi Cristiano Ronaldo zuri vetëm vendin e gjashtë, i cili u deklarua në Instagramin e tij pak para shpalljes së fituesit.
Në fjalën e tij, ai sulmoi ashpër organizatorët e këtij eventi, duke thënë se e kanë fabrikuar deklaratën e tij për Leo Messin.
“Rezultati i sotëm shpjegon deklaratën e Pascal Ferre javën e kaluar, kur ai tha se i besova atij se ambicia ime e vetme ishte ta mbyllja karrierën time me më shumë topa të artë se Lionel Messi. Ai gënjeu, ai përdori emrin tim për të promovuar veten dhe mediumin për të cilin punon. Është e papranueshme që personi përgjegjës për dhënien e një çmimi kaq prestigjioz mund të gënjejë në këtë mënyrë, në mungesë respekti absolut ndaj dikujt që ka respektuar gjithmonë ‘France Football’ dhe Topin e Artë. Dhe sot ai gënjeu përsëri, duke justifikuar mungesën time me një Gala me pretendin e një karantine që nuk ka arsye të ekzistojë”, tha Ronaldo, duke shtuar:
“Gjithmonë dua të përgëzoj ata që fitojnë, brenda frymës sportive dhe lojës së ndershme që e kanë udhëhequr karrierën time që në fillim, ndaj dhe e bëj sepse nuk jam kurrë kundër askujt. Unë fitoj gjithmonë për veten time dhe për klubet që përfaqësoj. fitoj për veten time dhe për ata që më duan. Unë nuk mund askënd tjetër.
Ambicia më e madhe në karrierën time është të fitoj tituj kombëtarë dhe ndërkombëtarë për klubet që përfaqësoj dhe për kombëtaren e vendit tim. Ambicia më e madhe në karrierën time është të jem një shembull i mirë për të gjithë ata që janë ose duan të jenë profesionistë bë futbollis. Ambicia më e madhe në karrierën time është që ta lë emrin të shkruar me shkronja të arta në historinë e futbollit botëror”, ka shtuar ai.
Portugezi i madh e ka fituar pesë herë Topin e Artë në karrierën e tij, ndërsa rivali i tij i përjetshëm Messi ka dy të tjera pas mbrëmjes së djeshme. /tesheshi.com/
