Një dizajn avioni rrënjësisht i ri që “bashkon” krahët në trup është blerë nga një linjë ajrore kanadeze.
Ky lloj avioni mund të jetë një paraqitje e shkurtër e së ardhmes së industrisë së aviacionit.
Dhe tani linja ajrore kanadeze planifikon të zgjerojë flotën e saj, e cila përbëhet ekskluzivisht nga Boeing, dhe të blejë një të tillë.
Avioni aktualisht është duke u zhvilluar nga Natilus, një startup në Kaliforni, dhe është quajtur Kona.
Ky pritet të bëhet një aeroplan mallrash që zgjerohet në trup sa më afër krahëve dhe firma beson se mund të reduktojë konsumin e karburantit deri në 30%.
“Aeroplanët tanë me krahë të lidhur ofrojnë efikasitet aerodinamik të përmirësuar në mënyrë efektive duke siguruar një rritje të konsiderueshme të vëllimit të brendshëm, duke çuar në kosto më të ulëta të karburantit, emetime më të ulëta, ngarkesa më të larta dhe kosto më të ulëta operative,” lexohet në faqen e internetit të Natilus, sipas UniladTech.
Sipas kompanisë, avioni do të ketë gjithashtu 50% më pak emetime, 40% më shumë ngarkesë dhe do të jetë 25% më i lehtë.
Linja ajrore që mendon të blejë Kone-n është Nolinor Aviation, ku presidenti i kompanisë, Marco Prud’Homme, i tha Business Insider: “Do të jetë si të hapim një horizont të ri për ne dhe ne do të jemi në gjendje të fluturojmë në më shumë destinacione që nuk mundëm më parë.
Për shembull, një 737-200 do të kishte shumë kapacitet për disa komunitete, por një fluturim javor me Kona do të ishte i përsosur.
Kur pamë që dizajni i tyre i kishte motorët të montuar në pjesën e pasme të avionit, dhe në fakt avioni u bë një mburojë për motorët, ne pamë se ai përfaqësonte një potencial të madh për ne,” tha Prud’Homme dhe vazhdoi:
“Ndonjëherë problemi që kemi në veri është se mbushim vëllim para kapacitetit mbajtës, sepse disa nga këto artikuj nuk janë shumë të rëndë, por zënë shumë hapësirë.
Kona ka shumë kapacitet për volum, kështu që është interesante për ne”.
Besohet se avioni me pamje futuriste mund të arrijë në vende më të largëta, duke përfshirë vendndodhje në Alaskë, Indi dhe në të gjithë Afrikën.
Aleksey Matyushev, i cili është CEO i Natilus, tha: “E vetmja mënyrë për të lidhur me të vërtetë këto miniera ose vendbanime të largëta është transporti ajror. Sigurisht, transporti i mallrave është një pjesë e madhe e gjithë këtij ekuacioni.”
Avioni Kona vlerësohet të fillojë operimin në fillim të viteve 2030. /tesheshi.com/
