E ardhmja mbërriti: avioni me energji diellore kalon Paqësorin dhe bën xhiron e botës

Edhe një hap tjetër përpara në qiell drejt të ardhmes. Avioni me energji diellore Solar Impulse 2, i cili po mundohet të përfundojë xhiron e botës, ka arritur në Kaliforni pasi ka përshkuar oqeanin Paqësor.

Ishte nisur më 21 prill nga Hawaii. Bertrand Piçard, një nga dy pilotët zviceranë, i cili bashkë me Andrè Borschberg janë në drejtimin e mjetit fluturues, është ulur ditën e djeshme në orën 24:45 me orën lokale (8:45 me orën tonë) në Mountain View, në jug të San Francisco, pas një udhëtimi 62 orësh pa u ndalur dhe pa pasur karburant.

Avioni është nisur më 9 mars të vitit 2015 nga Abu Dhabi (në Emiratet e Bashkuara Arabe) dhe pas ndalesash në Oman, Birmani, Kinë e Japoni ka mbërritur në Hawaii më 3 korrik të vitit të shkuar.

Aty u detyrua të bëjë një ndalesë të gjatë për shkak të dëmeve serioze në bateritë diellore. Kalimi i Paqësorit ishte një nga pjesët më të rrezikshme të xhiros përreth botës, për shkak të mungesës së vendeve të uljes. Dy pilotët duan të tregojnë se gjithçka është e mundur përmes përdorimit të energjisë së rinovueshme diellore. /tesheshi.com/