Mandati i Presidentit aktual të SHBA Donald Trump përfundon sot, me inaugurimin e Presidentit të sapozgjedhur Joe Biden.
Pyetja është, si do të duket e ardhmja e Trump kur ai largohet nga Shtëpia e Bardhë?
Hapi i parë pas largimit të presidentit më të diskutueshëm të Shteteve të Bashkuara është mungesa e tij e njoftuar tashmë në inaugurimin e Biden-it.
Adresa e tij e re e banimit është ende e panjohur, megjithëse Trump pretendon se ai do të zhvendoset në klubin e tij privat Mar-a-Lago në Palm Beach, Florida.
Para protestave të Kapitolit, Trump mbante postin e sigurt të presidentit të Partisë Republikane. Ai pritej të vazhdonte të mbante këtë post dhe të përgatitej për zgjedhjet presidenciale të vitit 2024. Por fati i tij ndryshoi shumë pas 6 janarit kur një grup mbështetësish të tij ndezi një protestë të paparë në të cilën u vranë pesë persona.
Se e ardhmja e tij është e rrezikuar konfirmohet edhe nga deklaratat e disa prej biznesmenëve më të mëdhenj amerikanë që ndaluan së bashkëpunuari me Trump dhe dënuan me forcë incidentin.
Ndërsa Trump ka të ngjarë të ndalohet nga të gjitha mundësitë e komunikimit mediatik, disa besojnë se ai mund të aktivizojë rrjetin e tij “Trump” për të konkurruar me Twitter.
Politikat e Trump gjithashtu kanë ndikuar në mënyrë të konsiderueshme në pasurinë e patundshme të familjes së tij, hotelin dhe perandorinë e golfit, shumica e të cilave janë të vendosura në New York City. Kompania e tij miliarda dollarëshe është gjithashtu në pikëpyetje.
Për t’i bërë gjërat edhe më keq, Deutsche Bank, e vetmja bankë e gatshme për të bërë biznes me të, tani ka thënë se ajo nuk pranon të bashkëpunojë.
Disa argumentojnë se Trump do të shkojë drejt në burg pasi të largohet nga presidenca. Vetë Trump ua pohoi këshilltarëve të tij para zgjedhjeve se kishte frikë nga një hetim më intensiv prokurorial nëse do të humbiste.
Aktualisht ka më shumë se dhjetë hetime dhe padi civile kundër grupit të tij të biznesit “Organizata Trump”, dhe disa besojnë se rezultati përfundimtar i Trump do të jetë më i keq se ai që Richard Nixon kishte për shkak të çështjes Watergate. /tesheshi.com/
