COVID-19 pritet të bëhet një sëmundje endemike që në vitin 2024, thanë të premten drejtuesit e kompanisë farmaceutike amerikane Pfizer.
“Ne besojmë se COVID-19 do të bëhet endemik, potencialisht deri në vitin 2024,” tha presidentja globale e Pfizer Vaccines, Nanette Cocero.
“Mund të bëhet një sëmundje endemike nëse popullatat në mbarë botën do të kishin imunitet të mjaftueshëm ndaj vaksinave, ose nëse shtrimet në spital dhe vdekjet do të viheshin nën kontroll”, tha Cocero.
Shefi shkencor i Pfizer, Michael Dolsten tha se kohëzgjatja do të varet nga evolucioni i sëmundjes dhe nga sa efektivisht janë shpërndarë vaksinat në të gjithë botën, ku normat e vaksinimit ishin të ulëta.
“Duket se në një ose dy vitet e ardhshme, disa rajone do të kalojnë në modelin endemik, ndërsa rajone të tjera do të vazhdojnë në regjimin e pandemisë,” tha Dolsten.
Ai beson se shfaqja e varianteve të reja mund të ndikojë në vazhdimin e pandemisë.
Ndërsa një pandemi, si COVID-19, është një epidemi globale që është përhapur në të gjitha vendet e botës, një endemi prek disa popullata ose vende. /tesheshi.com/
