Ministri turk i Mbrojtjes Hulusi Akar shprehu dyshimet e tij, duke arritur në kufijtë e një komploti për të lokalizuar mina në Detin e Zi, duke thënë se ato mund të jenë lënë atje…për të bërë presion mbi Turqinë.
Akar tha se “ka dyshime nëse minat u gjetën aksidentalisht” dhe një teori që ai zhvilloi ishte se “mund të jetë një plan i NATO-s që minat e Aleancës të hyjnë në Detin e Zi”.
Duke vazhduar mendimin e tij, Akar tha se kjo mund të bëhet për t’i bërë presion Ankarasë që të lejojë anijet e NATO-s të hyjnë në Detin e Zi nëpërmjet ngushticës së Dardaneleve.
Ai theksoi se Turqia duhet të vazhdojë të zbatojë Traktatin e Montreux, sipas të cilit në kohë lufte vendi i tij do të përcaktojë se cilat anije lejohen të kalojnë dhe cilat jo.
“Nuk e dimë kush i ka lënë minat atje. Ato janë prodhuar në Rusi, por nuk dihet se cili shtet i ka lënë”. Raportohet se në zonë ka rreth 400 mina.
“Ne kemi biseduar me autoritetet bullgare dhe rumune, të cilët po monitorojnë situatën,” shtoi ai.
Rusia dhe Ukraina kanë fajësuar njëra-tjetrën për vendosjen e minave tokësore në pjesë të ndryshme të Detit të Zi dhe disa prej tyre janë shkëputur nga pika ku ishin lidhur me kabllo dhe po lëvizin të pakontrolluar në det. Sipas palës ruse, mund të ketë rreziqe për lundrimin edhe deri në Mesdhe, nëse disa mina futen në det. /tesheshi.com/
