Janë bërë të ditur së fundi dhe emrat e dy njerëzve që kanë tërhequr këmbëzën e armës duke shkaktuar dy vrasje të bujshme.
Fjala është për Nardin e butinave – Ferdinand Polia, ekzekutuar në Grudë të Shkodrës, për të cilin akuzohet Kristjan Sulaj (Martini). Por ky i fundit rezulton i arratisur në Malin e Zi. Policia ka vënë në pranga vëllanë e tij Alfred Martini, si dhe dy vëllezërit Toma, të akuzuar për bashkëpunim në vrasje. Por arsyet ende nuk janë bërë të njohura.
Ndërsa në rastin e Jurgen Kurtit, ekzekutuar në Tiranë, në pragun e shtëpisë, si vrasës është shpallur Klodjan Bane nga Patosi, por në kërkim. Një ditë më parë policia arrestoi bashkëpunëtorët në këtë vrasje, Elsi Levendi, 21 vjeç, Alesio Berberi, 33 vjeç, dhe Olsi Qalliu, 22 vjeç. Dyshimi është se të katër këta kanë qenë vrasës me pagesë në rastin e Kurtit. /tesheshi.com/
