Në dy-vjetorin e ekzekutivimit të 31-vjeçarit Kostandinos Kacifas në fshatin Bularat të Dropullit në Gjirokastër, është cilësuar si një hero, si nga prifti i fshatit e si nga familjarët.
“Përkujtojmë sot një martir që u sakrifikuar për të na hapur sytë dhe për të na treguar rrugën në mënyrë që të kuptojmë ku po shkon ky vend, përndryshe nuk mund të vijë paqja dhe dashuria.
Në këtë përkujtimore duhej të ishin më shumë njerëz dhe kur themi e përkujtojmë duhet që të rinjtë ta mbajnë në memorje emrin e tij. Duhen organizuar konkurse dhe festa duhen ndarë çmime”, u shpreh prifti.
Për të ëmën, ai ishte një trim, një yll i Vorio Epirit.
“Ai ishte një djalë trim në mbrojtje të asaj që besonte të kombit dhe etnisë sonë. Djali im sado që të duan ata ta mbulojnë shpejt është një yll në qiell që ndriçon gjithë helenizmin dhe gjithë Vorio Epirin. Çfarë bëri djali im? Ngriti flamurin? Flamuri na takon, doni apo s’doni ju. Jemi grekë dhe grekë do vdesim”, deklaroi e ëma e Kacifasit.
Kostandin Kacifas, një shtetas i minoritetit, nisi të qëllonte pa shkak në prag të një ceremonie përkujtimore lokale. Më pas ai u përball me forcat policore, duke qëlluar ndaj tyre derisa dhe u vra në shkëmbim zjarri. /tesheshi.com/
