Katedralja Notre-Dame në Paris, e dëmtuar rëndë nga një zjarr dy vjet më parë do të rihapet në 2024, premtoi të mërkurën ministrja e Kulturës Roselyne Bachelot dhe njoftoi se ishin mbledhur fonde të mjaftueshme për ta zbatuar atë.
Deri më tani, 833 milion euro janë mbledhur në formën e dhuratave dhe fondeve të premtuara, të cilat lejojnë që katedralja të rinovohet, tha ministrja në një fjalim në Senat.
“Mund t’ju them se në vitin 2024, katedralja Notre-Dame në Paris do të rihapet,” tha ajo.
Ajo pritet do të vizitojë katedralen me Presidentin Emmanuel Macron, në përvjetorin e dytë të zjarrit që dëmtoi pjesërisht këtë kryevepër mesjetare të arkitekturës gotike në zemër të Parisit.
Presidenti francez më pas kërkoi që katedralja, kulmi dhe maja e së cilës u shkatërruan në flakë, të rindërtohej për pesë vjet.
Përfaqësuesi i Macron për atë restaurim, gjenerali Jean-Louis Georgelin, gjithashtu tha se katedralja do të rihapet në 2024.
Sidoqoftë, jo të gjitha punimet do të përfundojnë në këtë datë. /tesheshi.com/
