Kompania bioteknologjike amerikane Moderna, kërkoi të hënën miratimin e menjëhershëm të vaksinëa së saj anti-COVID, pasi rezultatet e përgjithshme nga faza e vonë e provave klinike treguan se ishte 94.1 përqind rezultoi efektive.
Një deklaratë nga Moderna tregon se vaksina e saj nuk shkakton efekte anësore serioze.
Administrata Amerikane e Ushqimit dhe Barnave (FDA) ka planifikuar një takim të komisionit këshillimor në 17 dhjetor për të diskutuar kërkesën e Moderna-s, vaksina e së cilës është e dyta me efikasitet të lartë, e cila ka një shans për të marrë dritën jeshile nga rregullatorët amerikanë për shpërndarje të mundshme para fundit të këtij viti.
Miratimi i vaksinës së Pfizer Inc dhe BioNTech SE, e cila rezultoi 95 për qind efektive në provat kryesore, do të jetë në axhendën e një takimi të ekspertëve të jashtëm një javë më parë. Bazuar në rekomandimet e trupit këshillues, FDA do të vendosë për lëshimin e një Autorizimi Përdorimi Emergjent (EUA).
Aksionet rriten 700 për qind
Moderna, e cila gjithashtu njoftoi se do të aplikonte për miratim nga rregullatorët në Evropë, tha se vaksina e saj ishte efektive pavarësisht nga mosha, raca, etnia dhe gjinia, dhe se ishte 100 për qind efektive në parandalimin e rasteve të rënda të sëmundjes. K
“Ne besojmë se kemi një vaksinë me efikasitet shumë të lartë. Tani kemi të dhëna për ta provuar atë,” tha drejtori Moderna-s, Tal Saks. “Ne presim të luajmë një rol kryesor në ndryshimin e drejtimit të kësaj pandemie,” shtoi ai.
Nga një total prej 196 personave të infektuar me COVID-19, në një studim që përfshinte më shumë se 30,000 vullnetarë, 185 morën një placebo në vend të vaksinës. Moderna raportoi 30 raste të rënda të sëmundjes, të gjitha ishin në grupin placebo.
Aksionet e Moderna-s janë rritur 700 për qind që nga fillimi i vitit. /tesheshi.com/
