Është një imazh mbresëlënës…me denoncimin brenda. Një portret me dimensione prej 2 metra i presidentit rus Vladimir Putin, i punuar i tëri nga predhat.
Kjo “punë dore” është shfaqur si pjesë e një ekspozite që u hap në Nju Jork të enjten, dhe është menduar të jetë një kujtim i kthjellët për tmerret e luftës.
Predhat janë të gjitha nga kryengritja e vitit 2014 e njohur si Revolucioni Maidan, një nga konfliktet më të përgjakshme evropiane që nga fillimi i viteve 1990.
Dhe dy artistët ukrainas që krijuan portretin besojnë fuqishëm se Putin është fajtor për dhunën që copëtoi pjesën lindore të vendit të tyre.
“Rusia u përpoq të na kthente prapa në BRSS,” tha Daniel Green, një nga artistët. “Ishte një vijë mes demokracisë apo totalitarizmit”.
Të dy, Green dhe bashkëpunëtori i tij, Daria Marchenko, morën pjesë në kryengritje.
Green tha se disa nga miqtë e tij u vranë në luftime. Kjo i dha atij idenë e përdorimit të plumbave të shpenzuara për të simbolizuar atë që kishte ndodhur. /tesheshi.com/
