Kjo javë nisi në Shqipëri me dy tentativa të çuditshme vetëvrasjeje. Një punëtor i rafinerisë në Fier kërcënoi të vrasë veten nëse atij dhe kolegëve nuk u jepej rroga e katër muajve.
Në Fier, Agim Myrdini, 59 vjeç, u ngjit në majë të një oxhaku në ndërmarrjen e naftës duke kërcënuar se do hidhet që atje. Shkak i protestës së tij duke vënë bast me jetën, ishte vonesa e dhënies së rrogës për katër muaj rresht nga ana e ndërmarrjes ku punon. E veçanta e tentativës së tij për t’i dhënë fund jetës ka qenë fakti se ai kishte marrë me vete dhe një shishe benzinë për t’u vetëdjegur në lartësi, pra për ta shtuar dhe më tepër dozën e tragjizmit të vetëflijimit.
Ndërsa në Krujë, një i moshuar 91 vjeç ka alarmuar njerëzit rreth e rrotull me pretendimin se donte të vetëvritej. Ndërsa në reagimin e policisë jo vetëm që plaku është gjendur në gjendje normale, por është konstatuar dhe një posedim municioni në banesën e tij: një pushkë, një automatik dhe një sasi fishekësh. Policia tha se do e precodojë në gjendje të lirë si për armëmbajtjen e si për shkaktimin e vetëvrasjes, për shkak të moshës së thyer. /tesheshi.com/
