Të paktën 75 persona kanë ndërruar jetë e dhjetëra të tjerë janë plagosur gjatë një sulmi terrorist të bërë në Bagdad nga ana e terroristëve të ISIS. Lajmi është konfirmuar nga ana e policisë. Sulmi i parë me një autobombë ka shpërthyer në lagjen Karrada, në qendër të qytetit. Më pas një sulm i dytë në Bagdadin lindor ka shkaktuar disa viktima dhe të plagosur të tjerë.
ISIS “ka marrë hak me sulmin në distriktin e Karradas”, thuhet në një komunikatë të shpërndarë në Telegram e në Twitter. Në komunikatë thuhet gjithashtu se atentati kishte në shënjestër grupet shiite.
Sulmet janë kryer pasi ka kaluar pak më shumë se një javë që kur forcat irakiane e cilësuan qytetin Fallujah si “tërësisht të çliruar nga ISIS”. Gjatë vitit të fundit forcat irakiane kanë grumbulluar fitimet territoriale ndaj militantëve islamikëve, duke marrë qytetin e Ramadit dhe qytetet e Hit dhe Rutba, në provincën e madhe të Irakut Anbar. /tesheshi.com/
