Të dy janë gjermanë, të dy diplomatë karriere, dhe që të dy kanë pasur një sensitet të ndryshëm nga politika shqiptare. Ndërsa njëri ka qenë i dashur nga qeveria e i urryer nga opozita, edhe tjetri e ka të njëjtën përshtypje, por me kah të kundërt.
Bëhet fjalë për dy krerët e misionit të OSBE-së në Tiranë, Eugen Wolfarth, i cili ka drejtuar nga viti 2007-2010 dhe ai që drejton aktualisht, Bernd Bortschard.
Partia Demokratike e ka sulmuar ashpër dipomatin gjerman që drejton misionin e OSBE-së në Tiranë.
Ky është Bernd Bortschard, i cili ka thënë se votimi elektronik nuk mund të praktikohet në Shqipëri, pasi është i pamundur vetëm 5 muaj përpara.
Basha, ka nxitur aleeatët e tij të vegjël që ta sulmojnë fort kreun e OSBE-së.
Gjermania është një nga shtetet kryyesore që sponsorizon financiarisht OSBE-në, ndaj dhe diplomatët e kësaj organizate janë ose gjermanë ose austriakë.
Bernd Borchardt, një diplomat i spikatur karrriere që ka qenë edhe ambasador i Berlinit në Tiranë, por edhe kreu i EULEX-it në Kosovë, është i padëshirueshëm nga Berisha, pasi nuk i ka pëlqyer qëndrimi i tij gjatë zgjedhjeve të vitit 2009.
“Qëndrimi i OSBE është absurd, i papranueshëm dhe i papërgjegjshëm, për faktin se gjithmonë kur ka një vullnet politik, ka kohë. Duke e konsumuar mandatin kushtetues kjo maxhorancë, mund të na presë një variant maqedonas, duke i organizuar zgjedhjet me një qeveri tjetër tranzitore me një kohë dhe një afat të përshtatshëm për t’i realizuar këto standarde”, deklaroi Nard Ndoka, kryetar i PDK-së.
Edhe për kreun e LZHK-së, Dashamir Shehi, tha se vullneti i partive politike është më i rëndësishëm në Reformën Zgjedhore sesa qëndrimet e OSBE-së. Sipas Shehit, gjithmonë ky institucion ka folur për zgjedhje që po vijnë drejt përmirësimit, por hapin final duhet ta hedhin partitë politike.
“U bë vite që OSBE thotë se në këto zgjedhje u bë një hap përpara. Se ku është ky hapi përpara? Unë s’mbaj mend të ketë thënë ndonjëherë OSBE se këto zgjedhje nuk hyjnë në punë. OSBE këtë punë thotë, prandaj me OSBE ose pa OSBE, kjo është puna jonë dhe gjykoj se këtu s’ka asgjë për t’u paragjykuar”, theksoi Shehi.
Dy aleatët e opozitës paralajmërojnë se nëse maxhoranca nuk do të reflektojë për kërkesat e tyre në lidhje me Reformën Zgjedhore, atëherë do të ndiqen të gjitha rrugët demokratike për t’ia imponuar asaj këto kërkesa.
Bojkoti i Kuvendit, protestat dhe deri te shtyrja e datës së zgjedhjeve, janë disa nga hapat që opozita pritet të ndjekë nëse maxhoranca nuk do të pranojë votim dhe numërim elektronik në zgjedhjet e 18 qershorit.
Por opozita e sotme, kur ishte në mazhorancë kishte marrëdhënie të mira me OSBE-në.
Dhe atëherë këtë organizëm ndërkombëtar e drejtonte një diplomat gjerman, Eugen Wolfarth, të cilin qarqe pranë opozitës e shpotitën paq dhe e quanin “Baba Mondi”, pasai ai dilte shumë në publik në zijafete me ushqime dhe pije shqiptarët, që i preferonte shumë, sidozot kërnackat.
Zoti Wolfarth mbajti një qëndrim të prerë kundër kërkesës së opozitës së atëhershme, PS-së që kërkoi rinumërimin e zgjedhjeve në vitin 2009. Dhe PS nuk e sulmoi publikisht por nëpërmjet qarqeve mediatike të saj. Madje e portretizuan aq shumë si “qefli i kërnackave” sa çdo foto e tij kishte një pjatë me qofte Korçe dhe gote birre përpara.
Natyrisht që ishte një imazh i inxhinieruar pasi ambasadori i OSBE-së ishte një diplomat karriere në Gjermani dhe i tillë është edhe sot që nuk është në Shqipëri.
Por politika sillet me kutin e saj dhe jo me një standard parimor, duke deformuar edhe gjuhën publike, e cila i jep një imazh të rëndë vendit. /tesheshi.com/
