Specialitetet turke ishin në menunë e festës hollivudiane të këtij viti, e cila u mbajt pas ceremonisë së 94-të të Oscar-it të mbajtur më 27 mars në Los Angeles.
Shefi i njohur i kuzhinës Wolfgang Puck, i cili ka përgatitur menunë për Oscars që nga viti 1995, përfshiu në menunë e tij pite nga rajoni i Detit të Zi të Turqisë dhe kajsi të thata të mbushura me krem djathi.
Për herë të parë, personalitetet më të shquara të skenës botërore të filmit shijuan këto dy specialitete dhe pjatat morën vlerësime të mëdha.
Në festën pas ceremonisë së 94-të radhazi të ndarjes së një prej çmimeve më prestigjioze të filmit, gatimet turke i lanë përshtypje të gjithë të pranishmëve, mes të cilëve edhe yje të njohur të filmit, artistë dhe producentë.
“Turqia është një nga kuzhinat më të pasura në botë falë recetave tradicionale dhe produkteve organike. Ka shumë receta dhe produkte që mund të zbuloni në kuzhinën turke. Të shtatë rajonet e Turqisë janë plot shije, histori dhe kulturë.
Ka shumë qytete në Turqi që duhet t’i vizitoni dhe që kanë ushqim të shijshëm. Unë dhe familja ime vizitojmë Turqinë çdo verë me kënaqësi”, tha Wolfgang Puck, i cili përgatiti menunë për festën kinematografike amerikane të këtij viti. /tesheshi.com/
