Reali i Madridit dhe Atletiko e Madridit janë të vendosur ta kundërshtojnë gjer në fund vendimin e FIFA-s që ua pamundëson tranferimin e lojtarëve në dy hapësirat e ardhshme kohore të posaçme për to.
Te Reali kanë pohuar se do ta çojnë çështjen në Gjykatën e Arbitrazhit Sportiv.
Siç njofton Marca, apelimi do të bëhet sa më shpejt të jetë e mundur, për ta përshpejtuar procesin dhe për të marrë sa më shpejt një vendim.
Klubi i Realit të Madridit e quajti vendimin krejt të padrejtë në një deklaratë të tij.
Atletiko e Madridit ka shprehur vendosmërinë po ashtu për ta çuar çështjen në Gjykatën e Arbitrazhit Sportiv.
Siç mësohet nga shtypi spanjolli, apelin po e përgatit një ekip ndërkombëtar specialistësh. Githsesi, te Atletiko janë përgatitur për mundësinë e rrëzimit të apelit.
Veç vendimit për bllokimin e transferimeve, Atletikoja ka dhe një gjobë prej 820.000 eurosh.
Dy ekipet e kryeqytetit spanjoll u njohën dje me vendimin e FIFA-s që i ndalon ato të kryejnë transferime gjer në janar të vitit 2018. Me të njëjtin dënim është përballur dhe Barcelona më herët, e që lidhet me shkeljen e rregullave për lojtarët në moshë të re. /tesheshi.com/
