Ndryshe Barcelonës, të mundur thellë në Torino nga Juventusi, Reali dhe Atletiko kanë fituar në takimet e tyre të para çerekfinale në Kupën e Kampionëve.
Më me peshë, më spikatëse, më e veçantë është fitorja e Realit të Madridit, që mund Bajernin e Mynihut në “Allianz Arena”.
Fati i ndeshjes është vendosur në fundin e pjesës së parë, kur Vidal ka humbur një 11-metërsh për bavarezët pasi kishte shënuar po vetë më parë.
Cristiano Ronaldo do të ishte heroi i Realit, duke realizuar dy herë në pjesën e dytë. Fitorja 1-2 e bën
Realin më të favorizuar për të kaluar në gjysmëfinale.
Atletiko e Madridit, që, ndryshe Realit, luante në fushën e vet, u mjaftua me një fitore minimale ndaj kampionëve të Anglisë.
Fitorja 1-0 ndaj Lestër Sitit u arrit falë një 11-metërshi të kthyer në gol nga Griezmann në minutën e 28-të. /tesheshi.com/
