Ishujt Marshall, një nga vendet e fundit në botë i paprekur nga pandemia COVID-19, regjistroi dy rastet e para pozitive të dy punonjësve në bazën amerikane që morën rezultate pozitive pasi mbërritën nga Hawaii, shkroi BBC të mërkurën.
Çifti fluturoi me një aeroplan ushtarak dhe janë izoluar nga komuniteti lokal që nga ardhja e tyre.
Ishujt Marshall mbyllën kufijtë në mars për të parandaluar përhapjen e virusit, nga frika e një pandemie nën të cilën një sistem i brishtë i kujdesit shëndetësor mund të shembet.
Autoritetet thanë se burri 46-vjeçar dhe gruaja 35-vjeçare nuk përbënin rrezik për përhapjen e sëmundjes në komunitet sepse ata ishin testuar pozitivë ndërsa ishin në karantinë.
Masat e sigurisë në vend siguruan që ato të mos bien në kontakt me komunitetin lokal, thanë zyrtarët.
Shumica e vendeve ishullore në Paqësor mbyllën kufijtë e tyre në një fazë të hershme të pandemisë.
Në qershor, Ishujt Marshall lehtësuan kufizimet për të lejuar stafin e bazës ushtarake amerikane të hyjë në vend, por vetëm me një karantinë tre-javore.
Kiribati, Mikronezia, Nauru, Palau, Samoa, Tonga, Tuvalu dhe Vanuatu ende thonë se janë “pa korona”. /tesheshi.com/
