Ish-deputetët e Partisë së Drejtësisë, Labinotë Demi-Murtezi dhe Amir Ahmeti sot i janë bashkuar radhëve të Aleancës Kosova e Re të Behgjet Pacollit.
AKR përmes një kumtesë njofton se dy anëtarët e tyre të rinj do të jenë pjesë e grupit parlamentar të partisë në Kuvend, bashkë me partnerin e AKR-së, LDK-në dhe të tjerët.
“Palët janë zotuar se do të respektojnë parimet bazë të kartave ndërkombëtare të drejtave të njeriut, të cilat janë edhe të inkorporuara në Kushtetutën e Kosovës”, thuhet në kumtesë.
Kujtojmë se Demi-Murtezi, në zgjedhjet e kaluara, jo vetëm që ishte deputetja e parë femër me shami në Kuvendin e Kosovës, por ajo doli të ishte edhe femra më e votuar në listën e PDK-së.
Në zgjedhjet nacionale të 2014-ës, ajo mori mbi 11 mijë vota, duk e lënë shumë prapa nënkryetaren e PDK-së, Vlora Çitakun, e cila pati marrë vetëm 4 mijë e 500 vota, ndonëse ishte e renditur e gjashta në listë. /tesheshi.com/
