Kryeparlamentari Kadri Veseli u ka thënë deputetëve se do të duhej të ishte një koordinim më i mirë edhe me qeverinë në mënyrë që të ndalohet lotsjellësi.
Ai tha se bashkësia ndërkombëtare ka një shqetësim që mos të ketë përjashtime kolektive por realisht ata po përjashtojnë vetveten.
“Ne e krijuam atë mundësi duke i lejuar ata të hyjnë në sallën alternative por ju e patë se çka ndodhi. Do të ishte mirë që ne edhe qeveria të kemi një koordinim më të mirë që mund t’i parandalojmë por duke qenë më aktive edhe institucionet e drejtësisë. Veç një skaner po të na siguronte qeveria do të mund t’i ndalim”, tha Veseli, duke ia lënë në fund teknikës dhe jo politikës zgjidhjen e situatës së krijuar.
Kurse z/kryeministri dhe ministri i Jashtëm, Thaçi ka kërkuar që të mbahet një seancë speciale ku do të diskutohej për gjendjen aktuale politike në vend, duke shtuar se është me interes që të dëgjohet zëri i të gjithë ligjvënësve.
Ai tha se si pasojë e gjendjes së krijuar në Kuvend kanë dështuar katër marrëveshje ndërkombëtare.
“Sot Kuvendi është i uzurpuar dhunshëm nga një grup i deputetëve opozitarë. Do të ishte me interes që Kuvendi të dënojë uzurpimin e objekteve.
Legjitimiteti ynë nuk është me u largu nga salla e Kuvendit. Të dënohet uzurpimi i Kuvendit”, deklaroi Thaçi në seancën që po mbahet në sallën e improvizuar. /tesheshi.com/
