Kokëkuqja italiane e ka nisur me këmbë të mbarë sezonin e ri të Formulës 1.
Pas fitores së Vettel-it në garën e parë, në atë të Australisë, Ferrari do të jetë të dielën me dy makinat në krye të startit në Bahrejn.
Sebastian Vettel dhe Kimi Raikkonen kanë regjistruar kohët më të mira në provat zyrtare të së shtunës, për të merituar kështu nisjen nga vendi i parë dhe i dytë.
Dy Mercedes-ët erdhën pas, por nëse Bottas do ta nisë garën nga vendi i tretë, Hamilton, i katërti në provat zyrtare, do të niset nga vendi i nëntë për shkak të një penaliteti.
Ricciardo i Red Bull-it do të jetë pas Bottas-it në start, ndërkohë që ka befasuar Pierre Gasly i Toro Rosso-s, i pesti në renditjen e provave zyrtare.
Fernando Alonso nuk pati një paraqitje të mirë, duke mbetur jashtë dhjetëshes së parë; ai niset i 13-ti me McLaren-in e tij. /tesheshi.com/
