Trajneri i ri Kombëtares shqiptare, italiani tjetër Edi Reja, ka bërë për publike listën e futbollistëve të grumbulluar për dy ndeshjet e vlefshme për kualifikueset “Euro 2020”, hera e parë e tij në krye të pankinës kuqezi.
Pa shumë risi, ku veçon thirrja për herë të parë e Marash Kumbullës nga Verona, ai tha se ka vijuar me kontigjentin e lënë nga De Biassi e Panuçi, duke rigrumbulluar Lenjanin dhe Cikalleshin.
“Janë 18 lojtarë që kanë qenë me De Biasin dhe lojtarë të tjerë që kanë qenë me Panuçit, por më duhet të kem kohë që të shoh gjendjen e lojtarëve. Ju e keni parë dhe lojtarët e kaluar, kemi marrë lojtarë të Partizanit. Janë ato lojtarë që kanë qenë më parë. Kam një listë me 25 lojtarë që unë po i ndjek”, tha Reja.
Shqipëria pret të përballet më 8 dhe 11 qershor me Islandën dhe Moldavinë. /tesheshi.com/
