Policia e Shtetit bëri me dije arrestimin e dy shtetasve amerikanë, t ë akuzuar si prodhues të drogave sintetike. Ata janë arrestuar në doganën e Morinit, në rrugë drejt largimit nga Shqipëria.
Njëri është Vincent (Dominic) De Caro, 29 vjeç, lindur dhe banues në Nju Jork dhe tjetri, shtetas me origjinë shqiptare, Arbër Isaku, 29 vjeç, po ashtu lindur dhe banues në Nju Jork. Siç njoftoi policia në një deklaratë për shtyp, kjo dyshe hetohej prej një viti nga DEA amerikane dhe arrestimi është bërë në bashkëpunim të kësaj agjencie me Krimet e Rënda.
“Ndaj tyre, Gjykata e Connecticut, SHBA kishte vendosur masën e sigurisë “Arrest me burg” për veprën penale “Prodhim dhe shitje të lëndëve narkotike dhe substancave psikotrope kjo vepër e kryer nëpërmjet ‘dark ëeb’. Këta shtetas ishin nën hetim prej 1 viti nga DEA. Ata kishin krijuar bazë dhe fshiheshin në Tiranë, ku po përgatiteshin për të prodhuar drogë sintetike.
Pas marrjes së letër porosisë dhe vendimit të Gjykatës së Krimeve të Rënda për ekzekutimin e saj, Departamenti i Policisë Kriminale në Policinë e Shtetit, pas 1 muaj hetimi në bashkëpunim me Prokurorinë e Krimeve të Rënda dhe DEA-n arriti të zbulojë bazën ku fshiheshin 2 shtetasit”, tha Eduart Merkaj, Drejtori i Departamentit te Policise Kriminale në Policinë e Shtetit. /tesheshi.com/
