Në një konferencë të përbashkët për shtyp, kryeministri Rama dhe homologu i tij kosovar Albin Kurti, u dakortësuan për thellimin e bashkëpunimit në dy anët e kufirit, por lanë të hapur debatin mbi Schengenin rajonal, që njëri e mbron dhe e promovon(Rama), tjetri ka dyshime e hezitim(Kurti).
Sidoqoftë, shefi i ri i qeverisë së Prishtinës, ofroi tezën e tij për një “Schengen” shqiptar filimisht, të quajtur prej tij si “Macro Schengen”.
“Ky ishte takimi ynë i parë ka edhe shumë tema që do t’i trajtojmë në të ardhmen. Kjo ishte një temë që e trajtuam shkurtimisht meqënëse takimi ynë ishte më parë për ‘Makro-Schengenin” shqiptar, sepse për ‘Mini-Schengenin” ballkanik, tha Kurti.
Por kjo tezë e tij nuk gjeti dakortësinë e plotë të Ramës, i cili ofroi një tjetër arsyetim.
“Është e vërtetë që në këtë pikë kemi një diskutim për të çuar para, por unë besoj se nuk ka ‘Makro Schenge’ shqiptar, pa ‘Mini-Schengen’ ballkanik.
‘Makro-Schengeni’ shqiptar është i lidhur me “Schengenin” rajonal, se nëse ne jemi konsistent në vazhdën e Procesit të Berlinit dhe nëse jemi të harmonizuar në ndërveprimin tonë, dhe do të bëjmë çmos të jemi, në hapet rruga që është e mbyllur prej të gjitha viteve, për të pasur një hapësirë të përbashkët mes dy shteteve.
Lëvizje të lirë mes nesh, lëvizje të lirë të mallrave dhe njerëzve, çka deri dje ishte e paimagjinueshme për shkak të rezistencës jo vetëm të Serbisë por edhe vendeve të tjera. Sot është në dorën tonë, se këtë rezistencë e kam thyer. Na takon ne të bëjmë më të mirën dhe të mos humbasim kohë. As Serbia askush tjetër nuk na thotë që po bëjmë ‘Shqipërinë e Madhe’ nëse heqim kufirin”, tha Rama.
Po nga ky i fundit, u lajmërua dhe mbledhja e radhës e dy qeverive, e cila do mbahet në Shkodër. “Kemi rënë dakord që të fillojmë përgatitjet për mbledhjen e 2 qeverive që do mbahen në Shkodër, sepse e fundit ishte në Pejë , dhe aty u dakordësuam për Shkodrën.
Por një vakum me dy mbledhjeve na imponon të bëjmë një mbledhje sa më produktive, do kemi një komision ndërshtetëror për të ndjekur ecurinë e marrëveshjeve, për të ndjekur problematikat dhe arritjet”, theksoi Rama, duke u pasuar nga Kurti:
“U dakorduam që të formojmë një komision ndërshtetërore, i përbërë nga ministra e deputetë, që ato 77 marrëveshje që janë nënshkruar deri më tani, të zbatohen dhe të shtohen në marrëveshje të reja. Duam ta shtojmë bashkëpunimin…”. /tesheshi.com/
