Kryetari i Mitrovicës së Veriut, Goran Rakiq, ka urdhëruar sot që të ndalen punimet në projektin e Bashkimit Evropain afër Urës kryesore të Ibrit. Këtë e ka konfirmuar sot për mediumin serb Tanjug, e siç citohet ai, arsye për këtë janë disa incidente në veri.
Madje Rakiq u ka kërkuar BE-së që të angazhohen më shumë për, siç ka thënë ai, sigurinë e qytetarëve.
Rakiq për këtë u përfshi dhe në një incident të raportuar nga mediat serbe.
Ndaj deklaratës së Rakiqit ka reguar kreu i Mitrovicës së Jugut, Agim Bahtiri i cili e quan të panevojshme, dhe të papranueshme dhe madje të dëmshme thirrjen për ndërprerjen e punimeve për rivitalizimin e urës kryesore mbi Ibër.
Përkundrazi, Bahtiri pohon se intensifikimi i punëve dhe inaugurimi në afatin e paraparë të urës, do të ndikoj në relaksimin e mëtutjeshëm të gjendjes dhe raporteve ndërmjet qytetarëve të dyja komunave të Mitrovicës.
Duke folur për incidentet e ditëve të fundit në veri, Bahtiri, thotë se “pavarësisht cilat janë motivet e tyre, janë të pa papranueshme, andaj edhe i dënoj ashpër dhe kërkoj reagimin sa më të shpejtë të organeve të hetuesisë, me qëllim që të zbulohen shakatarët dhe të vendosen para organeve të drejtësisë, për të marrë dënimin e merituar, sepse vetëm në këtë mënyrë mund të ndërpriten ato”.
Kujtojmë se incidentet në veri të Mitrovicës nuk janë risi, pasi jo më larg se në ditën e zgjedhjeve ishin sulmuar tre shqiptarë në veri nga një grup serb. /tesheshi.com/
