Deputeti i ekstremit të djathtë të Hollandës Geert Wilders, njëherësh një islamofob famëkeq, njoftoi se ai do të riorganizonte konkursin për karikaturën më të mirë të Profetit Muhamed, më shumë se një vit pasi ai anuloi një konkurs të tillë për shkak të reagimeve të ashpra.
Geert Wilders u bëri thirrje ndjekësve të Twitter-it që “t’i dërgonin atij karikaturat që përshkruanin Muhamedin”.
Deputeti dëshiron të organizojë një konkurs në ambientet e parlamentit hollandez në Hagë, në emër të saj që e quan “liri e fjalës”.
Shteti hollandez i ofron siguri 24-orëshe Geert Wilders-it, pasi pretendohet se ai është i kërcënuar për shkak të inisiativave të tij.
Por ndërkohë, paralel me protagonizmin e Wilders-it, të afërt me frymën e tij, deri dhe kolegë partiakë, kanë pranuar Islamin.
Njëri është Joram van Klaveren-i, ish-deputet i Partisë për Liri (PVV) nga viti 2010 deri në vitin 2014. Ai tha se e njohu Islamin gjatë kohës që po tentonte të shkruante një libër kundër këtij besimi.
“Gjatë hulumtimeve për librin u ballafaqova me gjëra që më bënë ta shikoja fenë islame nga një kënd tjetër”, tha ai.
Tjetri i kthyer në Islam qe Arnoud van Doorn, i njohur në vitin 2008 si emër i lidhur me filmin provokativ “Fitna”.
Edhe ai ndryshoi më vonë përshtypje, e pranoi Islamin pasi dhe i biri i tij bëri të njëjtën gjë. /tesheshi.com/
