Dy ish-presidentë egjiptianë u shfaqën në të njëjtën sallë gjyqi në Kajro, ku Hosni Mubarak dëshmoi në rigjykimin e Mohamed Morsi për akuzat lidhur me arratisjen e më shumë se 20.000 të burgosurve nga qelitë në kulmin e kryengritjes në vitin 2011, kohë kur Mubarak u rrëzua nga pushtetu.
Mubarak, 90 vjeç, i cili e sundoi Egjiptin për gati 30 vjet, hyri në sallën e gjyqit duke u mbështetur në një shkop i shoqëruar nga dy djemtë e tij Alaa dhe Gamal. Seanca u mbajt nën masa të rrepta sigurie.
Mohammed Mursi, 67 vjeç, ishte një nga të arratisurit gjatë shpërthimit të protestave në të ashtuquajturën Pranverë Arabe.
Mursi dhe Vëllazëria Myslimane erdhën në pushtet me zgjedhje pas rënies së Mubarakut, por një komplot ndërkombëtar, bëri që më anë të një grushti shteti të rrëzoheshin nga pushteti e të përfundonin pas hekurave.
Në qershor 2015, Gjykata Penale në Kajro e dënoi Mursinë me vdekje, por në nëntor të vitit 2016 Gjykata e Kasacionit rrëzoi verdiktin dhe urdhëroi një rigjykim. /tesheshi.com/
