Rrëzimi i një skele gjatë punimeve për fasadën e një pallati, ngjarje e ndodhur të premten në Tiranë më pasojë dy humbje jete nga ana e punëtorëve, është parë gjithashtu politikisht nga PD. Edhe incidentin në fjalë, kreu demokrat Basha e ka përfshirë te “makutëria”, një xanxë që ia ngjesh qeverisë apo të ashtuquajturve oligarkë të lidhur me të. Për Bashën, fakti që Rama nuk është shprehur për pasojat e incidentit, tregon dhe njëherë arrogancën e tij.
“Artisti i mashtrimit, arrogant dhe i pashpirt me shqiptarët të cilët i urren, asnjë fjalë për 2 viktimat e makutërisë mafioze në zemër të Tiranës”, shkruan Basha në rrjete.
Politizimi i incidentit është vënë re që dje, ku eksponentë të PD-së rendën drejt Spitalit të Traumës për të vizituar tre punëtorë të plagsosur.
Ndërkohë, për ngjarjen janë ndaluar dy drejtuesit teknikë të punimeve. /tesheshi.com/
