Dy humbjet e Angela Merkelit në zgjedhjet rajonale në Bavari dhe Hessen, e kanë detyruar kancelaren gjermane që të shpallë tërheqjen e saj nga rikandidimi si deputete në Bundestag, gjë që përjashton mundësinë e rizgjedhjes dhe si kancelare.
Duke bërë të ditur se në fillim të dhjetorit nuk do të kandidojë as për postin e presidentit të Unionit Kristian Demokrat (CDU), Merkel tha se ajo dëshiron të qëndrojë në pozicionin e kancelares, por vetëm deri në fund të periudhës aktuale deri më 2021-in.
Ajo njoftoi gjithashtu se nuk kishte ndërmend të qëndronte as për një pozicion në Bashkimin Evropian.
Bloomberg raporton se menjëherë pas njoftimit të këtij lajmi në Berlin, u regjistrua një rënie e euros në tregun e aksioneve.
Duke iu referuar burimeve të konservatorëve, Reuters veçon Friedrich Merz si njeriun që mund ta zëvëndësojë Merkelin në krye të CDU-së. /tesheshi.com/
