Katica Janeva, kryeprokurorja e Speciales së Maqedonisë së Veriut, ka përjetuar dy hidhërime në një ditë. E para ka qenë arrestimi i saj për rastin “Zhvatja”, një zhvillim që ka tronditur skenën politike të Shkupit, e tjetra është humbja e nënës së saj po në të njëjtat orë kur ajo bëhej gati për të përfunduar në qeli.
Kjo e dyta, një fatkeqësi familjare, ka ndodhur në Gjevgjeli, qytetin prej nga ajo vinte, në kufi me Greqinë. Por në vendimmarrjen gjyqësore, ky rast nuk do ndikojë aspak.
Prokurorja Villma Ruskoska theksoi se rasti i vdekjes në familjen e Janevës nuk do të ndikojë në kërkesën e tyre për paraburgim. /tesheshi.com/
