Ardi Bici dhe Ardjan Xhaka janë heronjtë e përballjes së të shtunës si roje në Uzinën Ushtarake të Gramshit, duke ndaluar hyrjen e një tresheje “turistësh”, dy rusë dhe një ukrainas, të dyshuar si spiunë. Ata e pësuan nga një spraj kimik që njëri prej tyre jua hodhi në fytyrë.
Por duket se rreziku është kaluar tashmë.
“Mirënjohje dy ushtarakëve tanë që sakrifikuan për të ruajtur një objekt strategjik siç është uzina e Gramshit. Bisedova me ta dhe u garantova mbështetjen e pakursyer timen dhe të Ministrisë së Mbrojtjes. Pranë dy ushtarakëve shkoi edhe Shefi i Shtabit të Përgjithshëm të FA, gjeneral brigade Arben Kingji.
Shërim të shpejtë dy efektivëve tanë!”, shkruan ministri Peleshi. /tesheshi.com/
