Ekziston një plani për të vendosur sanksione ndaj 25 shtetasve rusë, të dyshuar se kishin ndonjë lidhje vdekjen e avokatit të Sergei Magnitsky, si dhe mbi 20 shtetas sauditë, të dyshuar se kishin ndonjë lidhje me vdekjen e gazetarit Jamal Khashoggi, tha Sekretari i Jashtëm britanik Dominik Raab.
“Hapi ynë i parë është të veprojmë kundër individëve të përfshirë në torturimin dhe vrasjen e Sergei Magnitsky, avokati që zbuloi mashtrimin më të madh të taksave në historinë ruse,” i tha Raab parlamentit, sipas Reuters.
Ai shtoi se vendimi do të përfshinte edhe ata individë të dyshuar se kishin lidhje me vdekjen e gazetarit dhe shkrimtarit Jamal Khashoggi.
Në vitin 2008, Sergei Magnitsky zbuloi një aferë mashtruese me taksa në Rusi, e cila përfshinte 23 kompani dhe një total prej 230 milion dollarësh, e kjo nga njerëz të lidhur me Kremlinin zyrtar dhe individë të afërt me qeverinë Ruse.
Pas kësaj, Magnitsky u arrestua dhe më pas vdiq në një burg në Moskë në 2009, ndërsa qeveritë perëndimore dhe organizatat e të drejtave të njeriut pretenduan se ai u torturua dhe se vdiq në rrethana misterioze disa ditë para se të lirohej.
Ndërsa Jamal Khashoggi ishte një qytetar amerikan dhe një kritik i Princit të Kurorës aaudite Mohammed bin Salman. Ai u vra në 2 tetor 2018 në konsullatën saudite në Stamboll. /tesheshi.com/
